Føroya Skipara- og Navigatørfelag

Jekaragøta 10
Postsmoga 248
FO 100 Tórshavn
Faroe Islands
Telefon: 31 69 73
Fax. 31 85 16
Teldupostur: fsn@fsn.fo

FORMAÐURIN:

Eyðstein Djurhuus
Telefon: 31 69 73
Fart: 21 69 73
Heima: 31 85 20
eydstein@fsn.fo

Eftirløn

Sáttmálapartar:	Eftirlønargjøld:
Fíggjarmálaráðið: Magnus Heinason og Strandfaraskip Landsins	01.10.2008: 6% 01.10.2009: 7%
Kommunala Arbeiðsgevarafelag Føroya:	01.10.2008: 7,5% 01.10.2009: 8,5%
Reiðarafelagið fyri farmaskip:	01.03.2009: 7% 01.03.2010: 8%
RFF: Smærri skip í frálandavinnuni (daglønt):	01.03.2009: 5%
Føroya Reiðarafelag:	kr. 35,- pr. dag + 4% av hýruni.

Føroya Skipara- og Navigatørfelag hevur avtalu við tryggingarfelagið LÍV og Betri Pensión.

Felagið tekur ikki støðu til, hvat pensiónsfelag hevur tað besta tilboðið. Hetta kemst av, at bæði produktini ikki kunnu samanberast.

Limir sum ynskja at flyta tryggingina til Betri Pensión skulu sjálvir venda sær til Betri Pensión. Tey upprætta so eitt tryggingarnummar, sum skal brúkast til inngjøldini, tá inngjøldini verða flutt.

Heinta faldara í PDF um avtaluna við Betri Pensión

Teir sum ynskja at halda áfram hjá LÍV skulu einki gera.

Viðvíkjandi tryggingaravtaluni við LÍV er hetta galdandi: Tryggingargjaldið fer til eina felags samlagstrygging, og við gildi frá 1. januar 2009 er gjaldið ásett til tað, ið svarar til kr. 290 um mánaðin. Hetta gjaldið skal rindast saman við eftirlønargjaldinum, og á lønarseðlinum skal hetta gjaldið ikki roknast uppi í skattskyldugu inntøkuni – eins og eftirlønargjaldið. Við ársskiftið fráboðar LÍV til TAKS, um at tryggingargjaldið skal roknast sum skattskyldug inntøka.

Um limur ikki er fevndur av eftirløn hjá LÍV – t.d. tí viðkomandi siglir við útlendskum skipi - skal gjaldið til samlagstrygging rindast av skattaðum peningi, eins og higartil.

Eftirlønargjaldið fer til eftirlønartrygging, og gjaldið er ásett í sáttmálanum – sí vegleiðing niðast á síðuni. Á lønarseðlinum skal eftirlønargjaldið ikki roknast uppi í skattskyldugu inntøkuni.

Upplýsingar í samband við inngjalding skulu verða, at talan er um ávikavist tryggingar- ella eftirlønargjald, og hvat felag, ið talan er um. Harafturat skal upplýsast navn, P-tal, búðstaður hjá viðkomandi og tíðarskeiðið, ið goldið verður fyri. Tá starvsfólkið hevur fingið tryggingar-nr. skal hetta skrivast á flytingina.

Best er at flyting verður gjørd fyri hvønn persón sær, og nevndu upplýsingar verða skrivaðar á flytingina. Um talan er um flytingar fyri fleiri enn 10 persónar, kann flytingin gerast samlað, og nevndu upplýsingar sendast sum listi til: bokhald@liv.fo ella á fax 351110.

Limir, ið ikki eru starvsettir eftir einum sáttmála hjá nevndu feløgum og hava føroyskan arbeiðsgevara, ella av øðrum orsøkum ikki koma undir vanligu skipanina, kunnu, eftir avtalu við avvarandi felag, sjálvir rinda tryggingargjaldið inn á nevndu kontu og við somu upplýsingum.

Upplýsingar um tryggingar- og eftirlønarviðurskiftir kunnu fáast við at ringja til LÍV á tlf. 311111.