KUNNING: Í rúma tíð hevur Blue Faroe Islands, BFI, arbeitt við nýggjari heimasíðuni, sum nú er farin í luftina. BFI er eitt felags forum fyri sjóvinnuna, har endamálið er at kunna um mál, ið hoyra sjóvinnuna til.

Blue Faroe Islands gevur aktørunum ein beinleiðis pall at deila og finna kunning sum er viðkomandi fyri vinnuna í Føroyum.

BFI varpar ljós á útbúgvingar, skeiðir, størv og feløg innan sjóvinnua, eins og at knýta saman aktørar gjøgnum við tiltøkum, so sum Sjóvinnuforum og á netinum.

Arbeitt verður við at leggja upptøkur til rættis við kjaki og samrøðum. Somuleiðis verður arbeitt við at skapa nýtt og málrættað innihald og at leggja nýggju heimasíðuna til rættis hvønn dag.

Umframt heimasíðuna www.bluefaroeislands.fo hevur BFI eina síðu á Youtube, og samband fæst við BFI umvegis teldupostadressuna: contact@BlueFaroeIslands.com.