Seinnapartin í gjár, mikudagin, handaðu Føroya Skipara- og Navigatørfelag og Føroya Reiðarafelag hvørjum øðrum krøvini í sambandi við samráðingarnar um sáttmálan fyri fiskiskipini.

Partarnir fóru ígjøgnum krøvini punkt fyri punkt og avtalaðu at hava fyrsta samráðingarfundin týsdagin 24. mars klokkan 13 í Føroya Skipara- og Navigatørfelag.

Á myndini er tað úr vinstru umboðini fyri Føroya Skipara- og Navigatørfelag Jørgin Thomsen, nevndarlimur, Annfinnur Garðalíð, formaður, og Elias Zachariasen, næstformaður, og umboðini fyri Reiðarafelagið Páll Holm Johannesen, stjóri í Felagnum Nótaskip, Stefan í Skorini, stjóri í Føroya Reiðarafelag, og Kristoffur Laksá, ráðgevi.