Tíðindi

Føroyski fiskimaðurin er ikki væl stillaður mótvegis ALS

7 jan 2020

Um eitt fiskiskip liggur í longri tíð til umvælingar, tá er fiskimaðurin ikki væl stillaður viðv ALS útgjald.

Føroyski fiskimaðurin fyri vanbýti tá tað kemur til ALS

 

Tað er uttan iva uppá tíðina, at lógin um ALS útgjald kemur undir LUB og verður endurskoðað.

 

Tíðindi eru um, at útgjaldið skal hækka frá 75% til 80% og inngjaldið lækka, hetta grundað á sera   

góða likviditetin hjá ALS sum er ca 1 milliard.

Tað er nokk eingin loyna, at tann føroyski navigatørurin – meistarin, og fiskimaðurin hava goldið

bróðurpartin av inngjaldinum, men tá tað kemur til útgjald,  ja so bløðir fiskimaðurin aftur, og stendur fyri stórum vanbýti.

 

Tann 4. decembur 2019 setti Brandur Sandoy ein § 52 spurning til landsstýrismannin í  

vinnumálum 4 spurningar, um útgjald til føroyskar fiskimenn. Men svarið var alt annað en nøktandi, og bendi greitt á, at verandi lóg krevur grundleggjandi broytingar.

 

§ 20 a. 2) Fyri fiskimenn, sum eru við fiskiskipum, sum hava veiðiloyvi sambært løgtingslóg um vinnuligan fiskiskap, og sum verða løgd vegna umvælingar, verður arbeiðsloysisstuðul goldin eftir 30 dagar, frá tí at skipið varð lagt, hóast setanarliga tilknýtið millum fiskimannin og reiðaríið ikki er av. Goldið verður í mesta lagi fyri 60 útgjaldsdagar. Fyri hvørjar kr. 1.000,-, sum útrokningargrundarlagið hjá fiskimanninum fer upp um upphæddina, nevnda í § 16, stk. 2, minkar útgjaldið við 0,5 prosentstigum.

Stk. 2. 2) Um stýrið tekur undir við ásetingunum, ásetir landsstýrismaðurin í kunngerð, hvørjir fiskimenn koma undir hesa reglu, og undir hvørjum treytum, hvørjar umvælingar talan skal vera um, útgjald, herundir útgjaldsdagar, útgjaldskeið, og um skipanina annars, herundir hvørjar upplýsingar skulu gevast Arbeiðsloysisskipanini, hvør skal vátta hesar upplýsingar, nær og hvussu tær verða latnar, og ásetan av freist fyri at lata hesar upplýsingar o. l.

 

Hesin maðurin skal í fyrstu atløgu ganga í samfullar 30 dagar áðrenn hann kann sleppa inn í ALS, og tá hann hevur verið í 60 dagar, so verður fiskimaðurin koyrdur úr skipanini. Skal hann framhaldandi fáa úr skipanini, so má hann siga upp, men tá fær hann eina karantenu uppá 8 vikur also 2 mánaðir, og eftir hetta, so missir sjómaðurin sín anciennitet, t.v.s. hann missir nøkur upptjent rættindir av somu orsøk.

 

§ 22. 2) 4) Rætturin til útgjald fellur burtur, tá arbeiðsleysur í undanfarna 4-ára skeiði hevur fingið arbeiðsloysisstuðul útgoldnan í 648 dagar. Men hetta er ikki galdandi fyri fiskimenn

 

Fiskimaðurin rindar 2,5% inn í ALS, hann rindar eisini av sínum eykaparti í skipanina, men fær útgjald uppá MAX kr. 830,- pr/dag eins og øll onnur á landið.

Hetta kann á ongan hátt verða rætt, at ein bólkur skal verða soleiðis diskrimineraður.

 

Eg fari staðiliga at heita á landstýrismannin í vinnumálum, Helga Abrahamsen, at koma við lógarbroytingum, sum hóskar til allar bólkar, sum rinda inn í ALS.

 

At sjómaðurin fær í minsta lagi kr. 1.100,- pr/dag samsvarandi við ásettu mynstuløn frá degi eitt.
Ella kr. 830,- x 1,25 – 1,50 – 2,0 alt eftir hvønn eykapart teir eru mynstraðir eftir, frá degi eitt. Hetta grundað á, at teir rinda av allari forvunnari A-inntøku.
At lógarkravd pensjón verður goldin afturat upphæddunum í 1. og 2. punkti, sum í dag er 6%

 

 

Vinarliga

Annfinnur Garðalíð

Formaður


Myndarøð
9 okt 2020
Nei einki dugir Høgni Hoydal GAND
23 sep 2020
Erla Kongsdóttir útkomin
7 jul 2020
FSN og FMR undirskrivaðu trí ára sáttmála í dag
1 jul 2020
Nýggji 1 árs sáttmálin undirskrivaður
27 jun 2020
Skiparar prógv á Sjónámi. Og Føroya fyrstu Fulltiknu Skip­satstøð­ingar prógv á Sjónámi
27 jun 2020
PRÓGVHANDAN VAR Á VINNUHÁSKÚLANUM
27 jun 2020
Prógvhandan á Vinnuháskúlanum
30 mai 2020
Nýggji 2 árs sáttmálin undirskrivaður