AVTALA: Kommunala Arbeiðsgevarafelagið og Føroya Skipara- og Navigatørfelag hava í dag skrivað undir semju um nýggjan sáttmála.

Sáttmálin partanna millum gekk út 1. oktober 2020.

Partarnir hittust á fundi fyrstu ferð hin 2. desember 2020 og eftir nakað av fundarvirksemi varð Semingsstovnurin boðsendur.

Talan er um ein tvey ára sáttmála, ið byggir á eina samlaða lønarhækkan á 3,3%.

Lønarhækkanin fer fram 1. januar 2021 og 1. januar 2022.

Á myndini koronaheilsast Annfinnur Garðalíð, formaður í FSN, og Pauli Trond Hansen, formaður í KAF.