Føroya Skipara -& Navigatørfelag sent bræv til Fasta Gerðarættin um uppaftur tøku av FG 1/2023

Vegna Føroya Skipara- og Navigatørfelag skal eg við hesum biðja um, um at málið

FG 1/2023 Føroya Skipara- og Navigatørfelag móti Reiðarafelagnum fyri Handilsskip

verður tikið uppaftur eftir § 11, stk. 2 í sáttmálanum um Fasta Gerðarrætt: «Í serligum føri kunnu formenninir tó í semju, eftir áheitan frá parti, innan fyri fýra vikur frá úrskurði, taka málið upp av nýggjum sum týðandi mál, har allir gerðarrættarlimirnir eru við.»

Sum grundarlag fyri umbønini verður víst til, at vit halda, at hetta mál hevur alstóran principiellan týdning sum fordømi fyri allan tann siglandi arbeiðsmarknaðin.

Sentralt i avgerðini frá 1. juli er,

at ein arbeiðsdagur eisini kann verða ein ferðadagur, og at tað er arbeiðsgevararin sum avger tað.

Henda niðurstøða hevur alstóran týdning fyri bæði sáttmála- og lógartulking á økinum, og tí halda vit, at málið lýkur treytirnar fyri uppafturtøku eftir § 11, stk. 2 í sáttmálanum um Fasta Gerðarrætt