Tíðindi
FSN fegnast um, at Útlendingarnir skulu avlønast eftir Føroyskum sáttmála .
Í FG í gjár kom fram udan kavi, at útlenska manningin umborð á avloysaraskipinum Galaxy, skal avlønast eftir sáttmaálanum millum manningarfeløgini. Hetta vóru harraboð frá útlendingastovuni í gjár. Manningarfeløgini MF og FSN bjóaðu beinanvegin FMR til eina semju, men FMR takkaði nei takk. Hetta var og er bara so óskiljandi.
FSN ætlar sær umborð á skipið Galaxy tá tað kemur til Føroyar og kunna skipara og manning um galdandi sáttmála á økinum.
Í dag hevur FSN aftur bjóða FMR til ein semjufund:
Fra: Annfinnur Garðalíð
Góðan dagin Jan Mortensen
Viðv FG í gjár um avloysaraskipið Galaxy, har fram kom, at manningin skuldi lønast samært føroyskum sáttmála, so skal eg siga frá, at kl 16:00 í dag fari eg í weekend og verði helst ikki tøkur fyrr enn 25 - 08 -2025. So um tú hugsar at stinga høvdini saman, so má eg frætta.
Vinarliga
Annfinnur Garðalíð
Formaður
FSN
216973
SVAR:
Fra: Jan Mortensen
Góði Annfinnur,
Vit standa við okkara tilboð um at skipa dokkingina soleiðis, at manningarskifti verður framt undir dokkingini, soleiðis at allir mans kunnu fáa eina eyka inntøku í dokkingarskeiðinum.
Hinvegin vilja vit ikki gjalda eyka løn, soleiðis sum tit hava kravt, fyri manningina sum fer umboð á Galaxy, tí talan er um eina munandi minni og avmarkaða uppgávu.
Um hetta hevur áhuga, ber altíð til at stinga høvdini saman.
Vinarliga
Jan Mortensen
Lønarstjóri Office: +298 352020
Mobile: +298 552000
jan@fmr.fo FSN hevur við telduposti bjóða FMR til eina seming men FMR takkaði nei takk.
