Tíðindi

Nólsoyingar mótmæla

2 sep 2019

Skiparin á Ternuni hevur fylgt galdandi reglum.

Nógv hevur verið frammi í fjølmiðlunum, nú fólk í gjár forðaðu Ternuni at sleppa frá bryggju í Nólsoy.

M.a. hava atfinningar verið móti skiparanum, hóast hann í einari sera truplari støðu ikki gjørdi annað enn tað, sum hann hevur bæði rætt og skyldu til sambært grein 49 og 60 í sjómanslógini.

Øll hugsa ikki um tað ótespiligu støðu, har fólk í veruleikanum tóku ræði á skipinum, sum ikki slapp frá aftur bryggjuni.

Tað er lætt nú aftaná at bagatillasera støðuna, men vit eiga at minnast til, at skiparin hevur evstu ábyrgd av bæði skipi, farmi og ferðafólkinum, og í støðuni var tað heilt náttúrligt ikki at opna portrið, tí støðan kundi hugsast at gerast enn meira álvarsom, um fólk kundu tysja umborð á Ternuna, aftan á at fólk av landi høvdu bundið skipið.

Tað er ikki skiparin sum ásetir hvørja leið skipið skal sigla, men hinvegin er tað reiðarin.

Vit skulu tí átala tær atfinningar, sum eru settar fram móti skiparanum, tí vit mugu staðfesta, at skiparin júst hevur gjørt tað sum náttúrligt var í einari støðu sum hesari, har fólk í veruleikanum høvdu tikið ræði á skipinum.

Tórshavn, 02.09.2019

Vegna Føroya Skipara- og Navigatørfelag

Annfinnur Garðalíð Formaður


7 jul 2020
FSN og FMR undirskrivaðu trí ára sáttmála í dag
1 jul 2020
Nýggji 1 árs sáttmálin undirskrivaður
27 jun 2020
Skiparar prógv á Sjónámi. Og Føroya fyrstu Fulltiknu Skip­satstøð­ingar prógv á Sjónámi
27 jun 2020
PRÓGVHANDAN VAR Á VINNUHÁSKÚLANUM
30 mai 2020
Nýggji 2 árs sáttmálin undirskrivaður
20 mai 2020
Sáttmálin millum manningarfeløg­ini og Føroya Reiðara­felag longdur til mánakvøldið á midnátt
12 mai 2020
Frakt & Sand søkir eftir stýrimanni
9 mai 2020
Hvat veitst tú um ECDIS