“Once in a lifetime” siga enskttalandi um møguleikar og høvi, ið ein bert skal vænta sær í boði eina einastu ferð í lívinum. Og ein slíkan forkunnugan møguleika segði Annfinnur Garðalíð, formaður í FSN (Føroya Skipara- og Navigatørfelag), tað vera, at tað í ár er fallið Føroyum í lut at hýsa ársfundinum hjá IFSMA (International Federation of Shipmasters’ Associations), sum er felagsskapurin hjá navigatørfakfeløgum kring heimin.

Ársfundur við ráðstevnu er hvørt ár, og annað hvørt ár er ársfundurin eisini aðalfundur. Tað er støðan í ár, nú fundurin fyri fyrstu ferð verður hildin í Føroyum. IFSMA varð stovnað í 1974, og fundurin í Føroyum er tann 48. ársfundurin hjá felagsskapinum. 33 navigatørfakfeløg við tilsamans umleið 10.000 limum eru limir í IFSMA.

Røðan hjá Annfinni Garðalíð var hildin á enskum og er endurgivin í endanum á greinini. Hon var stutt og beinrakin, og teir út við 50 felagsformenninir úr øllum heiminum og starvsfólk hjá IFSMA, sum vóru við á fundinum – nøkur umvegis netið – fagnaðu orðunum við lógvabrestum.

Ráðstevnan fyllir mesta partin av IFSMA-fundinum. Har verða ein rúgva av maritimum evnum umrødd og viðgjørd, og av tí sama er skráin fyri fundin eisini drúgv. Hon byrjaði so smátt longu í gjárkvøldið við serligari ráðstevnu fyri norðurlendsku luttakararnar, og aftaná var døgverði fyri øll.

Fyrrapartin í dag beyð Annfinnur Garðalíð so vælkomin, og fundurin bleiv formliga settur. Síðan var sjálvur aðalfundurin avgreiddur, og her legði bretski Jim Scorer, aðalskrivari í IFSMA, fyri við einari drúgvari frágreiðing og røðu. Hann endaði røðuna við formliga at boða frá, at hann nú hevði gjørt av at leggja frá sær við árslok eftir 10 ár sum aðalskrivari – talan er um eitt fulltíðarstarv. Eftirmaður hansara er longu útnevndur, og hann eitur Andrew Cook.

Jim Scorer, aðalskrivari í IFSMA, endaði sína frágreiðing við at boða frá, at hann fer frá við árslok eftir 10 ár í sessinum

Úr vinstru er tað nýútnevndi aðalskrivarin í IFSMA, Andrew Cook, sum byrjar so spakuliga í starvinum í heyst, núverandi aðalskrivarin Jim Scorer, IFSMA-forsetin Hans Sande, Annfinnur Garðalíð, formaður í Føroya Skipara- og Navigatørfelag, og Elias Zachariasen, næstformaður í felagnum

Skráin í dag endaði við einum sera væl eydnaðu ábiti á Østrøm seinnapartin, har Elsa Berg, borgarstjóri, var vertur. Tað bar so á, at Westward Ho kom inn á vágna, meðan gestirnir vóru har, og tá tiltakið saman við borgarstjóranum endaði, fóru øll umborð á sluppina, har manningin greiddi væl frá á enskum.

Fyrrapartin í morgin heldur ráðstevnan fram, og seinnapartin verður farið til Vestmanna, har vitjað verður á Wisky-bryggjarínum, áðrenn farið verður útferð við báti undir Vestmannabjørgini.

Skráin fríggjadagin er eisini pakkað, og millum annað fara Hans Johannes á Brúgv, stjóri í Sjóvinnustýrinum, og Jens Meinhard Rasmussen, stjóri í Smyril Line og Skansa Offshore umframt formaður í Reiðarafelagnum fyri Handilsskip, at hava framløgur/fyrilestrar.

Norðmaðurin Hans Sande er forseti í IFSMA og beyð eisini vælkomin

"Let there again be peace in our time”

 

Vælkomstrøðan hjá Annfinni Garðalíð

Dear Delegates, gentlemen, a very good morning to you all,

It gives me true pleasure to welcome you all to the 48th Assembly of IFSMA and we are glad, humble and honored that it will take place here in Torshavn. The Faroese Shipmasters and Navigators Assoc., considers this a chance in a lifetime for our association to be hosts for the conference.

Faroe Islands has a long maritime tradition going back to the Vikings and even further back in time indicating early settlements from Ireland and Orkney. The Vikings had a saying “in order to preserve a friendship visit your friends often” I do hope that we in IFSMA will make the vise words ours.

I am indeed looking forward to the conference and the presentations on topics of our mutual interests.

I am also glad that there will be opportunities for the delegates and their spouses to come and see more of our country and our infrastructure, we are very proud of our achievements and will never forget that the fishing and maritime industry is the backbone of our economy and welfare.

We are living in a time of wars and unrest which is not good for our maritime industry and international business.  Of course, human history has had many wars and not least in the middle east, I permit myself to quote Isahia in the Holy Book stating his hope in saying:

"He will judge between the nations and will settle disputes for many peoples. They will beat their swords into plowshares and their spears into pruning hooks. Nation will not lift up sword against nation, and never again will they learn war."

Good thoughts – still valid. I will finish my address by rephrasing the words of Chamberlain

“Let there again be peace in our time”

I hereby declare the IFSMA 48th Assembly for open.